PLAN DE XESTIÓN 2006

FORMACIÓN

• Desenvolvemento dun curso de formación ocupacional intitulado “Xerente de Empresas de Economía Social” dentro do programa FIP da Consellaría de
  Traballo.
  

• Finalizar o Plan de Formación Continua solicitado en 2005 á Consellaría de Traballo.

• Solicitar un novo Plan de Formación Continua para o período 2005-2006 con tres especialidades (unha cooperativa e duas transversais) para un total de seis accións formativas. Contraste previo coas Unións e cooperativas socias.

ASESORAMENTO

• Concretar e implementar actividades de fomento da língua galega como ferramenta comunicacional e comercial para dúas cooperativas asociadas.

• Titorizar o plano de viabilidade de dúas novas cooperativas, preferentemente, de tipoloxía que non conte con Unión en Galiza (consumo, mar, transporte,...).

INTERCOOPERACIÓN

• Desenvolvemento do programa NEXUS REDE en planos de mellora da función xerencial; da función financeira; da función de intercooperación económica; da reciclaxe teleformativa; da calidade da organización cooperativa. Como obxectivos concretos fíxanse a intervención en 13 cooperativas, con preferencia para as de traballo asociado.

• Desenvolvemento do programa transfronteirizo co cooperativismo do Norte de Portugal (DESQOOP), nomeadamente nos campos do asesoramento cooperativo e a organización e participación en eventos e misións comerciais. Con preferencia para as cooperativas e Unións asociadas das provincias de Pontevedra e Ourense.

COMUNICACIÓN – DIVULGACION COOPERATIVA

• Avaliar e concretar un programa de mantemento da web de SINERXIA.

• Edición dos nºs 5, 6 e 7 da revista “Elos Cooperativos” en version dixital.

• Reedición do directorio das Unións e cooperativas socias de SINERXIA.

• Continuidade no desenvolvemento no Programa de Promoción do Cooperativismo de Consumo en Galicia.

DESENVOLVEMENTO LOCAL

• Participación no xurade do Concurso de Ideas Empresariais do Concello de Pontevedra.

REPRESENTACIÓN E ACCION POLÍTICA

• Concertar coas demáis asociacións de cooperativas galegas as seguintes cuestións : unha única interlocución do sector ante as Administracións Públicas; entrada no CES de Galiza; posicionamento común de cara a reforma do Estatuto de Autonomía de Galiza; orzamentos de Galiza para o cooperativismo para 2007.

• Avaliar e propór melloras, se procede, nas seguintes cuestións : liñas de axudas públicas ao cooperativismo; reforma do decreto regulador do COGACO.

• Realizar un seguimento da execución do plano estratéxico do cooperativismo galego.

• Afiliar a tres novas cooperativas que non conten con Unión.

• Concretar programas de traballo cos sindicatos máis representativos.

• Realizar a presentación da nosa organización a novos departamentos do Goberno Galego. A saber, a Dirección Xeral de Consumo; Dirección Xeral de Desenvolvemento Rural.

• Asistencia á Asemblea Ordinaria de CEPES.

• Asistencia ao Congreso de Cooperativas Agrarias do Reino de España.

• Asistencia ao Congreso de CIRIEC – España a celebrar en Compostela.

ORGANIZACIÓN

• Avaliar os resultados do convenio asinado con EIXO en 2005.

• Avaliar e concretar os criterios e cuantías das cotas das entidades asociadas a SINERXIA.

• Deseñar e implementar un programa piloto de creación dun fondo de solidariedade para actividades de promoción e divulgación cooperativa, e desenvolvemento sostíbel en amplo termo (p.e. co 1% da dotación ao FEP do último exercicio económico das cooperativas socias).

• Afiliar a duas novas cooperativas que non conten con Unión en Galiza, so o paraguas do convenio realizado o ano 2005.

• Renovación dos órganos sociais da Federación.

• Avaliar e concretar o alargamento do financiamento bancario, de persoal e investimentos para desenvolver as actividades do plano de xestión para 2006.

voltar