“Memoria
I congreso da Federación de Cooperativas Sinerxia”
. O 22 de novembro de 1997 Sinerxia celebra en Santiago de Compostela
baixo o lema “Polo futuro do cooperativismo galego” o I
congreso da Federación. En referencia a este congreso se edita
a presente memoria coa que se pretende dar a coñecer os antecedentes
deste evento así como o desenvolvemento de cada un dos relatorios
cos posteriores debates, intercambio de ideas e as conclusións.
Este é un documento que se configura como un instrumento de reflexión
para as cooperativas de cara a continuar o debate nos tres eidos abordados:
intercooperación social e económica, mellora da eficacia
empresarial e o novo marco lexislativo do cooperativismo galego.
Edita Federación de Cooperativas Sinerxia. 1998.