Primeiro principio: Adhesión voluntaria e aberta.
As cooperativas son organizacións voluntarias, abertas a tódalas persoas capaces de utilizar os seus servicios e dispostas a aceptar as responsabilidades de ser socio-a, sen discriminación social, política, relixiosa, racial ou de sexo.

Segundo principio: Xestión democrática por parte dos socios e socias.
As cooperativas son organizacións xestionadas democraticamente polos socios-as, quenes participan activamente na fixación das súas políticas e na toma de decisións. Os homes e mulleres elixidos-as para representar e xestionar as cooperativas son responsables ante os socios-as. Nas cooperativas de primeiro grao, os socios-as teñen iguais dereitos de voto (un socio-a un voto), e as cooperativas de outros graos están tamén organizadas de forma democrática.

Terceiro principio: Participación económica dos socios e socias.
Os socios-as contribúen equitativamente ó capital das súas cooperativas e o xestionan de forma democrática. Polo menos parte dese capital normalmente é propiedade común da cooperativa. Normalmente, os socios e socias reciben unha compensación, se é o caso, limitada sobre o capital entregado como condición para ser socio-a. Os socios-as asignan os excedentes para todos ou algún dos seguintes fins: o desenvolvemento da súa cooperativa posiblemente mediante o establecemento de reservas, das cales unha parte cando menos serían irrepartibles; beneficiando ós socios-as en proporción as súas operacións coa cooperativa; e ó apoio doutras actividades aprobadas polos socios-as.

Cuarto principio: Autonomía e independencia.
As cooperativas son organizacións autónomas de autoaxuda, xestionadas polos seus socios e socias. Se firman acordos con outras organizacións, incluídos os gobernos, ou se conseguen capital de fontes externas, fano en términos que aseguren o control democrático por parte dos seus socios-as e manteñan a súa autonomía cooperativa.

Quinto principio: Educación, formación e información.
As cooperativas proporcionan educación e formación ós socios e socias, ós representantes elixidos-as, ós directivos-as e ós empregados-as para que poidan contribuír de forma eficaz ó desenvolvemento das súas cooperativas. Elas informan ó gran público, especialmente ós-as xoves e ós líderes de opinión, da natureza e beneficios da cooperación.

Sexto principio: Cooperación entre cooperativas.
As cooperativas serven ós seus socios-as o máis eficazmente posible e fortalecen o movemento cooperativo traballando conxuntamente mediante estructuras locais, nacionais, rexionais e internacionais.

Séptimo principio: Interese pola comunidade.
As cooperativas traballan para conseguir o desenvolvemento sostido das súas comunidades mediante políticas aprobadas polos seus socios-as.