“Autoxestión cooperativa. Manual de sociedades cooperativas” é a revisión e actualización do libro “Cooperativismo” realizada con motivo da aprobación da Lei de Cooperativas de Galicia (Lei 5/98). O manual xorde a raíz da realización de programas formativos sobre divulgación cooperativa tanto da UCETAG como de Sinerxia co obxectivo de cubrir o déficit de materiais didácticos impresos para a impartición da formación. Agora ben, este é un manual que cubre outros fins como é a utilización do mesmo para grupos promotores de proxectos cooperativos. Os contidos de “Autoxestión cooperativa” abarcan: aproximación histórica e evolución do cooperativismo; definición de empresa cooperativa (os principios e a tipoloxía); organización social e empresarial; normas que lle atinxen; elementos persoais; aspectos económicos-financeiros e por último cooperativismo de ensino en Galicia abarcando organización interna, intercooperación, ou aspectos económicos e históricos.

Autores-as: Trindade Villar, Nuria González, Ramón Rodríguez Padín, Xosé Lois Lamazares Vence, Ana Lorenzo Vila e Miguel Martínez López, ademais no grupo de revisión colaboraron Ramón Coello Pidre e Isabel Sánchez Cabanelas. Edita UCETAG, en colaboración coa Federación de Cooperativas Sinerxia e a APES. 1999.